Не болған?
Қалалық денсаулық сақтау басқармасы мәліметінше, ер адамның тыныс алуы санаулы секундта қиындап, жағдайы күрт нашарлаған. Ол жедел түрде №1 қалалық клиникалық ауруханаға жеткізілді.
Дәрігерлер бірден шұғыл көмек көрсетуге кірісіп, арнайы жабдықтың көмегімен кәмпитті тыныс алу жолдарынан шығарып алды.
"Дәрігерлер бөгде затты сәтті алып шығып, пациенттің тыныс алуын қалпына келтірді. Сәл кешіккенде жағдай қайғылы аяқталуы мүмкін еді", - деп хабарлады ведомство.
Көрсетілген көмектен кейін ер адамның жағдайы тұрақталды. Ол тиісті ем алып, ауруханадан шығарылды.