Тұмау қай жерлерде анықталды?
Эпидемиологиялық мониторинг деректері бойынша, Астанада тұмаудың үш жағдайы, ал Маңғыстау облысында екі жағдайы тіркелді. Мамандар 834 зертханалық биоматериал үлгісін зерттеді. Оның бесеуінен "шошқа тұмауы" ретінде белгілі A(H1N1)pdm09 маусымдық тұмауы расталды.
Бұл ретте ЖРВИ бойынша эпидемиологиялық жағдай кейінгі аптада жақсарды. Осы кезеңде елде ЖРВИ-дің 127 266 жағдайы тіркелді. Бір апта бұрын бұл көрсеткіш 140 273 жағдай болған.
Күз басталғалы Қазақстанда ЖРВИ-дің 760 182 жағдайы тіркелді.
Қазір қандай вирустар таралып жатыр?
Зертханалық мониторинг елде тұмаудан бөлек басқа да респираторлық вирустар таралып жатқанын көрсетті. Мамандар мынадай жағдайларды анықтады:
- 68 риновирустық инфекция,
- 47 - маусымдық коронавирустық инфекция,
- 50 - бокавирустық инфекция,
- 32 - парагрипп,
- 27 - аденовирустық инфекция,
- екі респираторлық-синцитиальды инфекция,
- бір метапневмовирустық инфекция жағдайы.
Қазақстанда халықты тұмауға қарсы егу жұмыстары жалғасып жатыр. 7 қазандағы жағдай бойынша 240 375 адам екпе алды.
Бірінші кезекте тегін вакцинация қауіп тобындағы адамдарға жүргізіледі. Олардың қатарында:
- медицина қызметкерлері;
- аяғы ауыр әйелдер,
- диспансерлік есепте тұрған балалар,
- жетім балалар,
- медициналық-әлеуметтік мекемелердің қызметкерлері және басқа да санаттар.
Бұған дейін кейбір адамдарда ауру неге бірнеше күнде жазылып, ал басқаларында симптомдар апталап сақталатыны, вирустар өзгеріп жатқаны рас па және кәдімгі ЖРВИ не себепті жаңа ауру ретінде қабылдануы мүмкін екені туралы жазған болатынбыз.
Тағы оқыңыз: Суық тию маусымы жақын: дәрігерлер қазақстандықтарға вирустардан қорғану жолдарын айтты