Тексеру барысында не анықталды?
Биылғы тоғыз айда комитет мамандары қоспалардың 365 сынамасын зерттеді. Оның 55-інде (15,1 пайызы) белгіленген талаптарға сәйкессіздіктер табылды.
"Анықталған сәйкессіздіктердің басым бөлігі - 92,7 пайызы өнімнің таңбалануына қатысты болды ", - деп хабарлады ведомство.
Кейбір сынамаларда - 7,2 пайызында мамандар микробиологиялық көрсеткіштерге қатысты мәселелерді анықтады.
Тоғыз келіден аса БАД сатылымнан алынды
Ведомство тексеруден кейін комитет ден қою шаралары туралы 55-тен астам қаулы қабылдағанын хабарлады. Мәселен, мамандар талаптарға сәйкес келмеген тоғыз келіден аса қоспаны тәркілеп, сатылымнан кері қайтарып алды.
Санитариялық-эпидемиологиялық бақылау комитеті БАД дәрі-дәрмек емес екенін еске салды. Олар ауруларды дербес емдеуге арналмаған және дәрігер тағайындаған препараттарды алмастыра алмайды.
Мамандар қоспаларды сатып алу кезінде мынаған назар аударуды ұсынады:
- мемлекеттік тіркеуді және тиісті құжаттарды тексеру;
- өнімнің құрамын, жарамдылық мерзімін және таңбалануын мұқият зерделеу;
- оларды сенімді сатушылардан сатып алу.
Бұған дейін Қазақстанда арықтауға арналған БАД-тар құрамында қауіпті заттардың бар-жоғы тексерілетіні хабарланған болатын.
Тағы оқыңыз: Қазақстандықтар БАД-тардың түпнұсқа екенін тексере алады