Қазақша
Русский
ПОДЕЛИТЬСЯ
+7 (777) 001 44 99
Әлеуметтік желілер
Қазақстанда мектептегі профилактикалық медициналық тексеру тәртібі жаңартылады. Өзгерістер әлі келісу сатысында, бірақ оларды жақын арада енгізу жоспарланып отыр. Tengri Health тілшісі балалардың денсаулығы нақты қалай тексерілетінін анықтады.
Қазақстан Денсаулық сақтау министрлігі мектепке дейінгі және мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының білім алушыларын профилактикалық медициналық тексерудің жаңа ережелері көрсетілген бұйрық жобасын әзірледі.
Денсаулық сақтау министрі Ақмарал Әлназарованың айтуынша, өзгерістерге қолданыстағы профилактикалық тексерулер мен мектеп медицинасы жүйесінің жеткілікті деңгейде тиімді болмауы және формальды сипатта қалуы себеп болған: онда диагностика сапасына қарағанда, жүргізілген тексерулер санына көбірек көңіл бөлінеді.
Редакцияның ресми сауалына берген жауабында министрлік жаңа тәсіл баланың жасын, денсаулығына төнетін қауіптерді және даму кезеңдерін ескере отырып, тексерулерді нақтырақ бөлуді қарастыратынын хабарлады.
Денсаулық сақтау министрлігі мыналарды жоспарлап отыр:
Өзгерістердің бірі мектептегі профилактикалық тексерулер кезінде қолданылатын жабдықтарға қатысты.
Ведомство пульсоксиметрияны қосуды ұсынады - бұл жүрек-қан тамырлары және тыныс алу жүйесіндегі бұзылуларды ерте анықтаудың қарапайым инвазивті емес әдісі.
Сонымен қатар электроэнцефалографияны (ЭЭГ - ми жұмысын зерттеу әдісі) жаппай профилактикалық тексерулерден алып тастау көзделіп отыр.
"Бұл мамандандырылған зерттеулерге жататындықтан, ол клиникалық көрсеткіштер бойынша жүргізілуі тиіс", —-деп түсіндірді министрлік.
Денсаулық сақтау министрлігі жаңа жобада профилактикалық медициналық тексерулерді қашықтан өткізу қарастырылмағанын ерекше атап өтті.
"Қорытынды шешімді педиатр немесе жалпы практика дәрігері қабылдайды. Баладан патология қаупі анықталған жағдайда, ол қосымша тексеру үшін бейінді мамандарға жіберіледі", - деп атап өтті министрліктегілер.
Жаңа тәртіп Қазақстанның бүкіл аумағында қолданылатын болады.
Жаңа тәртіп енгізілгеннен кейін ата-аналар профилактикалық тексерулер мен олардың нәтижелері туралы хабарламаларды қолданыстағы медициналық цифрлық сервистер мен мемлекеттік денсаулық сақтау жүйелерімен байланысты мобильді қосымшалар арқылы ала алады.
Денсаулық сақтау министрлігі ақпаратынша, бұйрық жобасы әлі күшіне енген жоқ. Қазіргі уақытта құжат заңнамаға сәйкес келісу рәсімінен өтіп жатыр.
Бірақ бұған дейін Ақмарал Әлназарова 2026 жылдың 1 қыркүйегінен бастап жаңартылған форматты кезең-кезеңімен енгізуді бастауды тапсырған болатын.
Өзгерістердің тиімділігі бірнеше көрсеткіш бойынша бағаланады: