Қазақстанда нәрестелерге арналған вакциналардың бірін қолдану тоқтатылады

Қазақстанда нәрестелерге арналған вакциналардың бірін қолдану тоқтатылады

Қазақстанда нәрестелердегі ротавирустық инфекцияның алдын алуға арналған "РотаТек" вакцинасының тіркеу куәлігі кері қайтарылып жатыр. Мұндай шешімге не себеп болғанын Tengri Health тілшісі анықтады.

Қандай препарат қолданыстан шығарылады?

"РотаТек" - нәрестелердегі ротавирустық инфекцияның алдын алуға арналған 2 миллилитрлік ішуге арналған ерітінді түріндегі тірі вакцина. Оның құрамында ротавирустың әлсіреген нұсқалары бар. Препарат вирустың бес тірі штаммынан тұрады.

Тіркеу куәлігінің иесі - "Мерк Шарп и Доум ИДЕА ГмбХ", Швейцария.

Тіркеу куәлігін кері қайтару туралы бұйрыққа 2026 жылғы 1 қазанда Денсаулық сақтау министрлігі Фармация комитеті төрағасының міндетін атқарушы қол қойды.

Вакцина неге кері қайтарылды?

Комитеттегілер препараттың тіркеу куәлігі иесінің немесе уәкілетті өкілінің ерікті өтініші бойынша кері қайтарылғанын түсіндірді.

Сондай-ақ ведомство тіркеу куәлігін кері қайтару туралы шешім Қазақстан заңнамасында қарастырылғанын атап өтті.

Бұл ретте ведомство Қазақстанға тіркеу куәлігінің қолданылу мерзімі аяқталғанға дейін әкелінген немесе өндірілген дәрілік заттар мен медициналық бұйымдарды әрі қарай қолдануға болатынын.

Еске сала кетейік, 1 қазанда тағы екі дәрілік заттың тіркеу куәлігі кері қайтарылды. Олардың қатарында йод тапшылығының алдын алуға және емдеуге арналған препарат бар.