Не болды
Денсаулық сақтау министрлігі ата-аналарды "аутизмнен толық айықтыру", "псевдоаутизм" туралы ақпаратқа сын көзбен қарауға және тек дәлелді медицинаға сенуге шақырады.
"Бүгінгі күні аутизмді "тез және толық емдеуге" қабілетті ғылыми дәлелденген әдіс жоқ. Ғажайып терапиялардың, күмәнді дәрі-дәрмектердің және жалған ғылыми әдістердің уәделері отбасыларды адастырып қана қоймай, кәсіби көмек алу үшін аса қымбат уақытты жоғалтуға әкелуі мүмкін, - деді Денсаулық сақтау министрлігі.
Министрлік ақпаратынша, ең маңызды нәрсе - ерте анықтау.
"Бала үшін ең маңыздысы - ерте анықтау, дер кезіндегі түзету-дамыту қолдауы, мамандардың сүйемелдеуі және отбасының қатысуы", - делінген хабарламада.
Мән-жайы
Соңғы күндері әлеуметтік желілерде жасушасыз вакциналар "бауырдың зақымдануы", аммиактың жиналуы және Candida саңырауқұлағы арқылы балаларда аутизм тудырады деген теорияны алға тартқан қазақстандықтың ашық мәлімдемесі қызу талқыланды.
Ол қызының егуден кейінгі жағдайының нашарлауын "аутизм" диагнозымен байланыстырады және аурудың "нағыз себебін" тапқанын айтқан.