Қазақша
Русский
ПОДЕЛИТЬСЯ
+7 (777) 001 44 99
Әлеуметтік желілер
Қазақстанда скринингтік тексеруден өту ережелері өзгереді. Енді емханалар тексеруден өтуі қажет қызметкерлер туралы мәліметті жұмыс берушілерге жолдай бастайды. Тиісті өзгерістер Денсаулық сақтау министрлігінің бұйрығына енгізілді, деп хабарлайды Tengri Health.
Бұйрыққа сәйкес, бұдан былай емханалар еңбек органдарының цифрлық жүйелері арқылы жұмыс берушілерге скринингтен өтуі тиіс қызметкерлер туралы мәліметтерді беріп отырады.
Бұған дейін скринингтен өту ережелерінде медициналық мекемелерге мұндай талап қойылмаған болатын.
Бұдан бұрын Денсаулық сақтау министрлігі бізге бұл жүйенің қалай жұмыс істеуі керектігін түсіндірген болатын. Азаматтар туралы мәліметтер компаниялардың кадрлық жүйелерімен біріктіріледі деп жоспарланған. Осыдан кейін адам тіркелген жері бойынша емхана eGov арқылы қызметкердің өзіне де, оның жұмыс берушісіне де скринингтен өту қажеттігі туралы хабарлама жібере алады.
Хабарлама алғаннан кейін жұмыс беруші қызметкерге скринингтен өтуі үшін үш күнге дейін демалыс беруге міндетті болады.
Жарияланған құжатта емханалардың адамдарға тексеруден өту қажеттігі туралы хабарлау тәсілдері де көрсетілген:
Сондай-ақ ведомство емханалардың адамдарды скринингке шақырудың мынадай жолдарын да жалғастыратынын атап өтті:
Ережелерде бұйрықта көрсетілген басқа да байланыс арналарын пайдалану қарастырылған.
Өзгерістер Денсаулық сақтау министрінің міндетін атқарушының бұйрығымен енгізілді. Олар 2027 жылғы 1 қаңтардан бастап күшіне енеді.
Қазақстандағы скринингке арналған демалыс: не өзгерді?